Junkier: Hrecyja nachłusiła sa statystykaj, kab uvieści jeŭra
Kiraŭnik Jeŭrakamisii Žan-Kłod Junkier u intervju niamieckaj haziecie Bild pryznaŭsia, što ŭłady Hrecyi ŭ 2001 hodzie nachłusili sa statystykaj, kab ustupić u Jeŭrazonu.
«Jeŭra — naša ahulnaja valuta i heta niezvarotna. Valutny sajuz pavinien być ustojlivym, macniejšy čym šlub, inakš nichto nie pavieryć u heta. Voś čamu my pavinny być maksimalna ŭvažlivyja pry pryjomie novych krain u Jeŭrazonu. Heta praŭda, što ŭ 2001 hodzie Hrecyja stała členam abjadnańnia paśla padtasoŭki statystyčnych źviestak», — zajaviŭ kiraŭnik Jeŭrakamisii.
Junkier pryznaŭsia, što da hetaha času vinavacić siabie ŭ tym, što heta adbyłosia. U 2001 hodzie Junkier byŭ ministram finansaŭ Luksiemburha i vystupaŭ kateharyčna suprać taho, kab ahulnajeŭrapiejski statystyčny orhan zajmaŭsia statystykaj nacyjanalnych ekanomik. Zaraz, na pasadzie kiraŭnika Jeŭrakamisii, Junkier pryznaje, što heta była pamyłkovaja pazicyja.
