Pieciarburhskuju čaćviertakłaśnicu baćka dva hady hvałtavaŭ u Biełarusi
Pravaachoŭnyja orhany Pieciarburha zanialisia mižnarodnaj spravaj, źviazanaj z hramadzianinam Biełarusi. 44-hadovaha mužčynu padazrajuć u piedafilii i inceście. U čaćvier stała viadoma, što maleńkaja achviara — jaho 10-hadovaja dačka raspaviała ŭ palicyi, što joj daviałosia pieražyć na praciahu dvuch hadoŭ, piša kp.ru
— U sieradu ŭ dziciačuju balnicu pryjechali žycharki rajona Kołpina: maci z 10-hadovaj dziaŭčynkaj. Padčas ahladu daktary chutka zrazumieli, što čaćviertakłaśnica pazbaŭlenaja cnatlivaści i ŭ jaje jość traŭmy pałavych orhanaŭ.
Dziaŭčynku pryviali ŭ palicyju, tam jana raspaviała, što ciaham dvuch hadoŭ byvała doma ŭ baćki ŭ Biełarusi, dzie tata hvałtavaŭ jaje. Nieviadoma, čamu maci dziaŭčynki nie viedała pra heta, a taksama, ci znachodzicca jana ŭsio jašče ŭ šlubie z baćkam školnicy.
Zaraz mužčyna znachodzicca ŭ Biełarusi. Hetaj spravaj ŭžo zaniaŭsia Śledčy kamitet.
