Chryścijanie Iraka: My na miažy źniknieńnia
Fota Pixabay.
Archijeparchija irakskaha Erbila (stalica Kurdystana) zajaviła, što Vialikabrytanija admaŭlajecca abaraniać jaje pravy niahledziačy na toje, što hetaja supołka znachodziacca na miažy źniknieńnia, piša BBC.
Śviatar Bašar Varda, vystupajučy ŭ Łondanie, skazaŭ, što irakskija chryścijanie ciapier znachodziacca na miažy źniknieńnia paśla 1400 hadoŭ hanieńniaŭ. Pavodle jaho słoŭ, kolkaść chryścijan u Iraku źniziłasia na 83 adsotki paśla ŭvarvańnia amierykanskich vojskaŭ u 2003 hodzie. Ich kolkaść skaraciłasia z 1,5 miljona da 250 tysiač čałaviek.
«Chryścijanstva ŭ Iraku — adna z najstarejšych cerkvaŭ, kali nie samaja staraja carkva ŭ śviecie, niebiaśpiečna blizkaja da źniknieńnia. Tyja z nas, chto zastaniecca, pavinny być hatovyja da pakutnictva», — zajaviŭ Varda. U jakaści pahroz jon adznačyŭ isłamskich ekstremistaŭ roznaha kštałtu.
Arcybiskup abvinavaciŭ chryścijanskich lidaraŭ Brytanii ŭ «palitkarektnaści» pa hetym pytańni — jon nazvaŭ niazdolnaść asudzić ekstremizm «rakam», zajaviŭšy, što jany niedastatkova hučna vykazvalisia, bajučysia abvinavačvańniaŭ u isłamafobii.
«Vy budziecie praciahvać paturać hetamu biaskoncamu, arhanizavanamu pieraśledu suprać nas?» — jon skazaŭ, — Kali nastupnaja chvala hvałtu ŭdaryć pa nas, ci budzie choć niechta ŭ vašych kampusach pravodzić demanstracyi i nasić nadpisy «My ŭsie chryścijanie»?»