Raskazvajem, čym skončyŭsia praryŭny prajekt, u jakim prapanoŭvali dobruju pracu piensijanieram
22 maja adbyŭsia vypuskny ŭ miežach prajekta «Starejšy śpiecyjalist», jaki viała sietka aptek «Adel». Na praciahu piaci miesiacaŭ piensijaniery prachodzili biaspłatnaje navučańnie z dalejšaj mahčymaściu atrymać vysokaapłatnuju pracu.
Vakansii dla piensijanieraŭ źjavilisia ŭ Minsku naprykancy minułaha hoda. Prajści śpiecyjalnuju navučalnuju prahramu i kurs treninhaŭ prapanoŭvałasia mužčynam i žančynam, starejšym za 55 hadoŭ.
Čytajcie taksama: «Jany kruciejšyja za nas!» — navošta apteki «Adel» biaruć na pracu piensijanieraŭ
Paśla ispytaŭ śpiecyjalistam z farmaceŭtyčnaj adukacyjaj prapanavali miesca pravizaraŭ, usim astatnim — administrataraŭ handlovaj zały.
Na vypusknych ispytach studentam treba było adkazać na 36 pytańniaŭ pa vaśmi vučebnych dyscyplinach. Tyja, chto spravilisia z testam paśpiachova, zmohuć prystupić da pracy ŭ bujnych aptekach «Adel». Miesca pracy i formu zaniataści prapanujuć vybrać samastojna, kab było «la doma i zastavaŭsia čas na siamju».
Siaredni ŭzrost «starejšaha» śpiecyjalista — 65 hadoŭ, a samaj stałaj udzielnicy spoŭniłasia 74 hady.
U pieršaj hrupie apynuŭsia tolki adzin mužčyna, pakazaŭšy pry hetym vysokija vyniki ŭ halinach imidž, makijaž i moda.
