Vialiki pažar na Vilejščynie. Zhareli dva damy, haraž i piać chlavoŭ
Vialiki pažar u vioscy Varoničy Kryvasielskaha sielsavieta zdaryŭsia ŭčora, 21 maja. U Vilejski RANS pra heta paviedamili ŭ 10.42.
— Paviedamleńnie pra pažar my atrymali z Centra apieratyŭnaha kiravańnia Minskaha abłasnoha ŭpraŭleńnia MNS, — raskazaŭ karespandentu hałoŭny śpiecyjalist inśpiekcyi nahladu i prafiłaktyki Vilejskaha RANS Dzianis Haŭryščuk.
Pa jaho słovach, haspadynia doma №17 pa vulicy Centralnaj, u dvary jakoha pačaŭsia pažar, adrazu patelefanavała dačce ŭ Minsk. A taja, nabraŭšy 101, trapiła da staličnych ratavalnikaŭ.
Kali na miesca pažaru pryjechała pieršaje adździaleńnie, jany paviedamili kaleham, što pa adrasie: Centralnaja, 17 haryć dom i chleŭ. A na Centralnaj, 22 — dom, chleŭ i haraž pad adnym dacham i jašče try chlavy, što stajać na dvary asobna.
Pieršaje adździaleńnie paprasiła u kaleh dapamohi. U vyniku, akramia vilejskich śpiecyjalistaŭ, da tušeńnia pažaru dałučylisia ratavalniki ź Miadzieła.
Ludzi nie paciarpieli. U domie №17 žyła haspadynia. Dom №22 vykarystoŭvali jak lecišča. U im haspadaroŭ nie było.
Pryčynu pažaru vyśviatlajuć.
