U Minsku ŭvodziać apłatu prajezdu bankaŭskaj kartkaj u naziemnym transparcie
Ale pakul na adnym maršrucie.
Fota Voli Aficeravaj
BPS-Śbierbank z 23 maja zapuskaje ŭ testavym režymie apłatu za prajezd u naziemnym transparcie Minska z dapamohaj bankaŭskich bieskantaktavych kart.
Pakul heta budzie pracavać na tramvajnym maršrucie №6, što kursiruje pamiž Sierabrankaj i Zialonym łuham i źjaŭlajecca adnym z samych praciahłych i zahružanych maršrutaŭ horada, paviedamili ŭ banku.
Płacić za prajezd možna budzie bieskantaknaj kartkaj luboha banka. Servis padtrymlivaje apłatu kartami Visa, Mastercard i Biełkart. Akramia taho, možna budzie raźličycca ŭ transparcie z dapamohaj smartfona, brełokaŭ, hadzińnikaŭ i inšych mabilnych pryład z padtrymkaj technałohii NFC.
Spačatku servis budzie dastupny ŭ 30 tramvajach staličnaha maršrutu №6. Pry paśpiachovaj realizacyi prajekta BPS-Śbierbank płanuje raspaŭsiudzić servis na ŭvieś hramadski transpart Minska.
Praces apłaty prosty: treba dastać kartu dla apłaty i padnieści jaje da validatara, dačakacca hukavoha sihnału i tekstavaha paviedamleńnia. Košt razavaha prajezdu roŭny koštu papiarovaha tałona - 60 kapiejek.
Vyvučyć historyju pajezdak i raschodaŭ možna ŭ asabistym kabiniecie pasažyra na sajcie sistemy. Tam ža možna budzie ŭdakładnić status bankaŭskaj karty i atrymać elektronny kart-ček. Tut taksama ž buduć adlustroŭvacca pajezdki, apłačanyja na turnikietach staličnaha mietrapalitena.
Kantrol apłaty budzie takim ža, jak i ŭ vypadku z elektronnymi prajaznymi.
Pry praviercy treba budzie danieści da terminała bankaŭskuju kartku, paśla čaho na im adlustrujecca infarmacyja ab fakcie raźliku za prajezd u kankretnym transpartnym srodku.
