Pamior trochrazovy čempijon «Formuły-1» Niki Łaŭda
Były aŭstryjski aŭtahonščyk, trochrazovy čempijon śvietu ŭ honkach «Formuły-1» Niki Łaŭda pamior na 71-m hodzie žyćcia.
flickr.com
Pa słovach jaho rodnych, Łaŭda mirna pamior u kole siamji 20 traŭnia. «Jaho unikalnyja dasiahnieńni ŭ sporcie nie zastanucca zabytymi. Jaho niastomnaja cikavaść da pracy, prostaliniejnaść i mužnaść buduć słužyć uzoram dla pierajmańnia dla ŭsich nas. Udalečyni ad publičnaha žyćcia jon byŭ tym kłapatlivym mužam, baćkam i dziedam. Nam usim budzie vielmi jaho nie chapać», - havorycca ŭ zajavie siamji.
U 2018 hodzie Łaŭda pieranios apieracyju pa pierasadcy lohkich.
Za svaju karjeru ŭ «Formule-1» Niki Łauda pravioŭ 171 honku, pieramohšy ŭ 25-ci. Jon trojčy zavajoŭvaŭ zvańnie čempijona śvietu - u 1975-m i 1977-m hadach za kamandu «Fierary» i ŭ 1984-m hodzie za «Makłaren».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)