Francuzy prapanujuć pabudavać u Sienicy handlovy kompleks z basiejnam i parkam na dachu FOTA
Hrupa francuzskich kampanij prademanstravała ŭ Minabłvykankamie prajekt kompleksu «Minsk mall park» u Sienicy, piša Młyn.by.
Kancepcyju kompleksu raspracoŭvali try kampanii «SKAISTA», «RESKO» i «Zestful Urban Office». Pa zadumcy francuzaŭ kompleks budzie padzieleny na 7 błokaŭ. U pieršym raźmieściacca hipiermarkiet, fudkort, brendavyja kramy, centry pryhažości i fitniesu. Druhi błok — zabaŭlalnaja placoŭka z kartynham, boŭlinham, strytbołam, futbołam, batutnym miastečkam. Taksama architektary prapanujuć tut pabudavać nievialiki akvapark z horkami i basiejnami dla zaniatkaŭ vodnymi vidami sportu.
U trecim błoku — kinateatr na 12 załaŭ, plus kancertnaja zona na vulicy. Pobač ź joj — ściana dla zaniatkaŭ alpinizmam i dziciačaja placoŭka. Čaćviorty błok raźmieścicca na dachu centra. Pa idei architektara častku dachu pieraŭtvorać u łyžny schił ź sintetyčnym pakryćciom, kab katacca možna było zimoj i letam. U inšaj častcy vysadziać raśliny, i jana stanie svojeasablivym parkam adpačynku.
Piaty błok advodzicca pad praduktovy rynak. Tut ža miarkujecca abstalavać haradskuju aranžareju, dzie raśliny buduć vyroščvać ekśpierymientalnymi i ekałahična biaśpiečnymi mietadami. Šosty błok zojmuć ofisnyja budynki, siomy adviedzieny pad hatel.
Pavodle raźlikaŭ prajekciroŭščykaŭ ahulnaja płošča kompleksu z ulikam dźviuch parkovak na 1000 i 3500 miescaŭ pavinna skłaści kala 158 900 kvadratnych mietraŭ. Aryjencirovačny košt abjekta — kala 300 miljonaŭ dalaraŭ.
Dla budaŭnictva centra jašče treba znajści inviestara i atrymać uchvaleńnie Łukašenki.