U Minsku vynieśli prysud 10-kłaśniku za napad u škole
17 maja sud Savieckaha rajona stalicy vynies pryhavor 16-hadovamu školniku, paviedamlaje Tut.by sa spasyłkaj na pres-słužbu. Jaho pryznali vinavatym ŭ źbićci inšaha padletka i pakarali abmiežavańniem volnaha času.
Pavodle abvinavačańnia, 16 listapada ŭ siaredniaj škole №66 na hlebie asabistych niepryjaznych adnosin zdaryłasia svarka staršakłaśnika ź inšym vučniem. Pieršy nie mienš za piać razoŭ udaryŭ druhoha rukami pa šyi, hałavie i ŭ tvar, a taksama siłaj utrymlivaŭ za nahu.
U vyniku paciarpieły školnik atrymaŭ traŭmy, jakija adnosiacca da katehoryi mienš ciažkich (praciahłaść rasstrojstva zdaroŭja terminam da 4 miesiacaŭ).
Pa pryhavory suda, školniku abmiažujuć svabodu volnaha času na termin 6 miesiacaŭ. Ciapier jon abaviazany vykonvać paradak vykarystańnia volnaha ad vučoby času, abmiežavana jaho znachodžańnie pa-za domam u pieryjad z 22.00 da 06.00, zabaroniena chadzić u kafe i inšyja hramadskija miescy, dzie na raźliŭ pradajuć śpirtnoje ci piva.
Prysud jašče nie ŭstupiŭ u siłu i moža być abskardžany.
