Nazvany samyja papularnyja miesiendžary siarod biełarusaŭ. Niekatoryja ličby vas ździviać
Fly
Miesiendžarami karystajecca krychu bolš za 68% nasielnictva Biełarusi. Ź ich praktyčna kožny druhi vykarystoŭvaje ich štodnia, kožny vośmy — nie radziej jak 1—2 razy na tydzień. Nie karystajucca miesiendžarami krychu mienš za tracinu biełarusaŭ, piša Tut.by.
Pra heta śviedčać vyniki daśledavańnia «Manitorynh sacyjalna-ekanamičnaj i palityčnaj situacyi ŭ Respublicy Biełaruś», praviedzienaha Instytutam sacyjałohii NAN Biełarusi ŭ kancy 2018 hoda pa respublikanskaj reprezientatyŭnaj vybarcy (abjom vybarki — 2103 respandenty, maksimalnaja chibnaść: +/- 2,1 % pry ŭzroŭni značnaści 0,05).
Na pieršym miescy pa papularnaści siarod biełarusaŭ ź vialikim adryvam raźmiaščajecca Viber, dola karystalnikaŭ jakoha na momant apytańnia skłała 65,4% ad ahulnaj kolkaści apytanych. Asablivaj papularnaściu dadzieny resurs karystajecca siarod haradžan (69,8%), moładzi (89,4%) i respandentaŭ va ŭzroście 30—49 hadoŭ (80,9%).
Na druhim miescy znachodzicca Skype — praktyčna kožny piaty biełarus karystaŭsia dadzienym miesandžaram na momant apytańnia. U asnoŭnym heta žychary haradoŭ (22,1%), moładź (28%) i ludzi va ŭzroście 30—49 hadoŭ (22,7%).
Trecim pa raspaŭsiudžanaści dadatkam dla abmienu paviedamleńniami źjaŭlajecca WhatsApp (17,6%). Jaho vykarystoŭvaje kožny piaty haradžanin, čaściej moładź (32,3%).
Zaviaršaje rejtynh Telegram (13,1%), dola karystalnikaŭ jakoha vyšejšaja siarod žycharoŭ haradoŭ (14,4%) i moładzi (27,4%).
