U Brytanii žančyna pasiabravała sa skunsam, i jon dapamoh joj pieramahčy depresiju FOTA
dailystar.co.uk
U horadzie Ujekfiłd žančyna zaviała sabie skunsa ŭ jakaści chatniaj žyvioły, kab pazbavicca ad psichałahičnych prablem. Pra heta paviedamlaje brytanskaje vydańnie Daily Star.
Miedsiastra Pauła Bavił adčuvała strach, kali naviedvała hramadskija miescy. Žančyna pakutavała na tryvožnaje rasstrojstva i depresii. Adnak dziakujučy hadavancu pa mianušcy Ponh joj udałosia palepšyć svoj emacyjanalny stan.
Ciapier žančyna spakojna vychodzić na vulicu sa skunsam na pavadku, kancentrujučy svaju ŭvahu na žyviolnie.
«Ponh vyznačana źmianiŭ majo žyćcio da lepšaha», - adznačyła Baviłł.
Pa słovach uładalnicy skunsa, minaki časta źviartajuć bolš uvahi na hadavanca, čym na jaje. Heta dapamahaje joj spraŭlacca z pačućciom tryvožnaści, jakoje jana adčuvaje ŭ miescach vialikaj kolkaści ludziej. U brytanki jość jašče adzin skuns — piacihadovy Viłfred.
U Vialikabrytanii ESA - emacyjna padtrymlivajučych žyvioł — nie zaŭsiody puskajuć na mierapryjemstvy i ŭ hramadskija miescy. Bavił raspaviała, što im z Ponham udałosia naviedać Pramysłovy muziej Bredforda, dzie supracoŭniki navat zrabili sełfi ź jaje hadavancam. Adnak niadaŭna brytancy admovili va ŭjeździe na mierapryjemstva ŭ Navukova-zabaŭlalnym centry Magna ŭ Roteremie.
«Heta nie było dyskryminacyjaj, heta było pytańnie charčovaj hihijeny, zdaroŭja i biaśpieki», - adkazali pradstaŭniki Magna.
