U Turavie ŭ škole padčas spartyŭnych spabornictvaŭ pamierła treciakłaśnica
U Turavie pamierła treciakłaśnica. Vučanicy škoły №2 stała kiepska, joj vyklikali chutkuju, ale vyratavać dzicia nie ŭdałosia, piša Tut.by.
Trahiedyja adbyłasia 17 maja, paviedamiŭ tielehram-kanał NEXTA.
U škole paćvierdzili zdareńnie.
— Dla nas heta šok, Hanna (tak zvali dziaŭčynku) była zdarovym dziciem. Na zdaroŭje nie skardziłasia, nie chvareła, hrupa zdaroŭja ŭ jaje była asnoŭnaja.
Administracyja škoły ŭdakładniaje: pamierła dziaŭčynka ŭžo ŭ balnicy.
— Usio zdaryłasia padčas masavaha spartyŭnaha mierapryjemstva. Što zaležała ad nastaŭnikaŭ i škoły — było zroblena, chutkuju vyklikali svoječasova. Jana nie traciła śviadomaści, nie padała — prosta stała drenna. Navat u chutkaj, kali jaje vieźli ŭ balnicu, jana siadzieła, a nie lažała, — kaža dyrektar škoły Mikałaj Daroška.
