Uładalnikaŭ śpiecyjalnych uznaharod Jeŭrabačańnia nazvali ŭ Tel-Avivie jašče napiaredadni hrand-finału
Śpiecuznaharody atrymali Dunkan Łoŭrens ź Niderłandaŭ, Kiejt Miler-Chajdkie z Aŭstralii i Machmud (razam z Dardustam i Čarli Čarlzam) ź Italii.
Pavodle paviedamleńnia na sajcie Jeŭrabačańnia, cyrymonija ŭznaharodžańnia premijaj Marsela Bieziensona prajšła ŭ Tel-Avivie pierad finałam piesiennaha konkursu.
Premija zasnavalnika piesiennaha konkursu Marsela Bieziensona ŭručajecca štohod, pačynajučy z 2002 hoda, i składajecca z troch uznaharod: pryza kampazitaraŭ, pryza za artystyzm i pryza «vybar presy». Adpaviedna, pieramožcaŭ vybirajuć kampazitary, kamientatary i akredytavanyja pradstaŭniki ŚMI, adznačaje 112.ua.
Pryz presy byŭ prysudžany pradstaŭniku Niderłandaŭ Dunkanu Łoŭrensu, jaki na konkursie vystupiŭ ź pieśniaj «Arcade». Nahadajem, jon staŭ pieramožcam Jeŭrabačańnia-2019.
Pryza za artystyzm (vyznačajuć kamientatary) udastojena śpiavačka z Aŭstralii Kiejt Miler-Chajdkie, jakaja pradstaviła kampazicyju «Zero Gravity» ź niezvyčajnymi śpiecefiektami.
Pryz kampazitaraŭ prysudžany pradstaŭniku Italii Mamudu (razam z Dardustam i Čarli Čarlzam). Jon vystupiŭ ź pieśniaj «Soldi».
