U ZŠA aryštavali Čełsi Meninh. Jaje tolki vyzvalili tydzień tamu
Aktyvistka i eks-vajennasłužačaja armii ZŠA Čełsi Meninh (były Bredli Meninh), vyzvaleńni 9 maja paśla dvuchmiesiačnaha aryštu, znoŭ adpravicca ŭ zaklučeńnie pa rašeńni suda, paviedamlaje NBC. Jana admoviłasia davać pakazańni pa spravie ab uciečkach kanfidencyjnaj infarmacyi praz partał WikiLeaks.
«Ja b addała pieravahu pamierci z hoładu, čym źmianić svaju pazicyju ŭ hetych adnosinach», - skazała Meninh na pasiadžeńni suda.
U sakaviku sud aryštavaŭ Meninh za admovu ad dačy pakazańniaŭ prysiažnym. Svajo rašeńnie infarmatar WikiLeaks patłumačyła etyčnymi mierkavańniami. Jana praviała pad aryštam 62 dni i vyjšła na volu 9 maja.
Zaraz u dadatak da novaha aryštu na jaje nakłali štraf — $ 500 u dzień na praciahu pieršych 30 dzion aryštu i $ 1 tys. Na praciahu nastupnych 60 dzion. Aryšt i štraf mohuć być admienieny, kali Meninh ŭsio ž pahodzicca davać pakazańni.
Abvinavaŭcy ŭ sudzie patłumačyli, što aryšt źjaŭlajecca adzinym dastupnym dla ich instrumientam, jaki moža dapamahčy prymusić Meninh dać pakazańni.
