U Mahiloŭskim rajonie słužbovy sabaka pa mianušcy Bahira znajšoŭ žančynu, jakaja źnikła
Paviedamleńnie ab tym, što ŭ vioscy Ležnieŭka piensijanierka vyjšła z domu i prapała, pastupiła ŭ milicyju na majskich vychodnych. Kinałahičny narad hrupy zatrymańnia sa słužbovym sabakam pa mianušcy Bahira vyjechaŭ na miesca zdareńnia.
Jak vyśvietliłasia, žančyna pryjechała pahaścić da rodnaha brata. Prykładna a vośmaj hadzinie viečara jana vyjšła z domu i syšła ŭ nieviadomym kirunku. Jak tolki mužčyna zrazumieŭ, što siastra źnikła, adrazu ž źviarnuŭsia pa dapamohu ŭ milicyju.
Pravaachoŭniki ŭdakładnili prymiety žančyny. Kinołah paprasiŭ jaje asabistyja rečy i pastaviŭ na śled Bahiru. Sabaka pavioŭ milicyjanieraŭ u bok susiedniaj vioski. Praz čatyry z pałovaj kiłamietry ŭ pačatku druhoj hadziny nočy sabaka znajšoŭ žančynu. Na słužbovym aŭtamabili jaje dastavili dadomu da brata.
