«Naradziła ŭ internacie, a potym zadušyła i vykinuła sa śmiećciem»: śledčyja zatrymali maci za zabojstva, učynienaje jašče ŭ 2004 hodzie
U studzieni 2004 hoda na palihonie dla bytavych adkidaŭ pablizu Klimavičaŭ znojdziena cieła novanarodžanaha. Zhodna z zaklučeńniem sudova-miedycynskaj ekśpiertyzy, dzicia naradziłasia žyvym i pamierła ad zadušvańnia — ź piatloj na šyi, piša SK.
Pa dadzienym fakcie zaviedziena kryminalnaja sprava pa č.2 art.139 (zabojstva zaviedama małaletniaha, jaki znachodzicca ŭ biezdapamožnym stanie).
Asoba, jakaja ŭčyniła złačynstva, znojdziena tady nie była. Adnak u chodzie rasśledavańnia šlacham praviadzieńnia ekśpiertnych daśledavańniaŭ byŭ ustanoŭleny hienatyp maci novanarodžanaha.
Śledčymi dapytana bolš za 270 žančyn, jakija pražyvali ŭ 2004 hodzie ŭ rajonie žyłoha siektara, adkul vyvoziłasia śmiećcie. U ich byli atrymanyja bijałahičnyja ŭzory dla praviadzieńnia paraŭnalnaj hienietyčnaj ekśpiertyzy.
U vyniku dalejšych daśledavańniaŭ ustanoŭlena supadzieńnie bijałahičnaha materyjału adnoj z žančyn z hienatypam maci zabitaha. Heta 37-hadovaja žančyna. U chodzie dopytu jana patłumačyła, što naradziła chłopčyka ŭ internacie pa miescy žycharstva, paśla čaho zadušyła jaho i vykinuła razam sa śmiećciem.
Padazravanaja zatrymana.