Samaje biazdarnaje złačynstva: u kvateru da piensijanierki pahrukaŭ mužčyna ŭ čornaj mascy. Jana paznała pa hołasie susieda. A potym padklučyŭsia AMAP
Zdareńnie adbyłosia 10 maja ŭ Maładziečnie, paviedamlaje abłasnaja milicyja
68-hadovaja žančyna žyvie ŭ šmatkvaternym domie na čaćviortym paviersie. 43-hadovy susied — na pieršym. Złoŭžyvaje śpirtnymi napojami i vyprošvaje hrošy.
U tuju ranicu mužčyna źbiraŭsia zajści da žančyny, kab znoŭ paprasić hrošaj. Ale ŭspomniŭ, što doŭha nie addavaŭ joj 6 rubloŭ, i vyrašyŭ, što damovicca nie ŭdasca. Tamu prychapiŭ z saboj čornuju masku.
Na pytańnie «Chto tam?» Mužčyna adkazaŭ «ja» — žančyna pa hołasie paznała susieda. Kali haspadynia adčyniła dźviery, to ŭbačyła mužčynu ŭ mascy. Pa słovach piensijanierki, jon pasprabavaŭ uvajści ŭ kvateru, šturchnuŭ jaje. Kali jana sarvała masku, uciok. Žančyna tut ža patelefanavała ŭ milicyju.
Na miesca zdareńnia vybyli kiraŭnictva Maładziečanskaha RAUS, śledča-apieratyŭnaja hrupa, narad supracoŭnikaŭ adździeła Departamienta achovy.
Padazravany zamknuŭsia ŭ svajoj kvatery, dźviery nie adčyniaŭ. U rabotu ŭklučylisia supracoŭniki AMAPa. Kvateru ŭziali šturmam.
