Rasijski fašyst uznačaliŭ padmaskoŭnyja Drazdy — elitny pasiołak Barvicha
Dziejučy časova vykonvajučy abaviazki kiraŭnika administracyi pasiołka Barvicha ŭ Adzincoŭskim rajonie Maskoŭskaj vobłaści Andrej Chodyraŭ syšoŭ u nieapłatny adpačynak i pryznačyŭ zamiest siabie fašysta Dźmitryja Dziomuškina, paviedamlaje RBK.
U razmovie z RBK Dziomuškin adznačyŭ, što zojmiecca revizijaj dziejnaści papiaredniaj administracyi. Na novaj pasadzie jon taksama maje namier zmahacca suprać abjadnańnia Barvichi z Adzincoŭskim rajonam.
«Žychary Barvichi i rada deputataŭ vystupali suprać», — padkreśliŭ jon.
«Akramia taho, zajmusia prablemaj nielehalnaj mihracyi i niezakonnaj pracy, my — za zakonnaść», — skazaŭ na zakančeńnie surazmoŭca RBK.
Pasada kiraŭnika pasielišča praisnuje mienš za miesiac i budzie likvidavanaja: 7 červienia pa vynikach konkursu novaja rada deputataŭ abiare kiraŭnika Adzincoŭskaj haradskoj akruhi, i z hetaha momantu spyniacca paŭnamoctvy kiraŭnikoŭ pasieliščaŭ i administracyj.
Niekalki miesiacaŭ tamu nacyjanalist vyjšaŭ na volu paśla adbyćcia pakarańnia pa artykule «Ab ŭzbudžeńni nianaviści i varožaści». Dziomuškina pryniali sa słužbovym akładam śpiecyjalista druhoj katehoryi ŭ orhanach dziaržułady i nadbaŭkaj za asablivyja ŭmovy pracy.