ŚMI: Alina Kabajeva naradziła dvojniu
ŚMI paviedamili, što 7 maja słavutaja spartsmienka naradziła dvajniat u centry akušerstva i hiniekałohii imia Kułakova ŭ Maskvie. Dla Kabajevaj była vydzielena vip-pałata na čaćviortym paviersie, paviedamlaje Starhit.
Pavodle infarmacyi insajdaraŭ, astatnich paradzich pierasialili ŭ inšyja adździaleńni. Kala pałaty zorki dziažuryli šmatlikija ciełaachoŭniki, jakija nie padpuskali starońnich. Žurnalisty vyśvietlili, što ježu alimpijskaj čempijoncy vazili z najbližejšych elitnych restaranaŭ.
Rody ŭ Kabajevaj prymali najlepšyja daktary centra. Pakul nieviadoma, jak nazvali novanarodžanych chłopčykaŭ, a taksama niama dadzienych ab ich roście i vazie. U asiarodździ Kabajevaj nie śpiašajucca abmiarkoŭvać radasnuju navinu. «My nie kamientujem čutki», — adkazała adna z pamočnic spartsmienki.
U 2009-m hodzie Kabajeva pryjšła na śvieckaje mierapryjemstva razam z maleńkim chłopčykam, jakoha pryniali za jaje syna. Ale paźniej alimpijskaja čempijonka paśpiašałasia zapeŭnić usich, što heta byŭ jaje plamieńnik Arsienij, a praź niekatory čas zajaviła, što heta dzicia siabroŭki.