Zialenskaha aštrafavali

Abałonski rajonny sud Kijeva aštrafavaŭ abranaha prezidenta Ukrainy Uładzimira Zialenskaha na 850 hryŭniaŭ (kala 70 biełaruskich), pryznaŭšy jaho vinavatym u niezakonnaj ahitacyi na vybarach, paviedamlajuć «Ukrainskija naviny».

21 krasavika ŭ chodzie hałasavańnia ŭ druhim tury prezidenckich vybaraŭ Zialenski prademanstravaŭ žurnalistam svoj zapoŭnieny vybarčy biuleteń. Paśla hetaha palicyja skłała na kandydata administracyjny pratakoł pa artykule ab parušeńni praviłaŭ viadzieńnia pieradvybarčaj ahitacyi.

U štabie Zialenskaha zajaŭlali, što nie bačać «vialikaj prablemy» u demanstracyi biuletenia, sam palityk paźniej rastłumačyŭ svajo parušeńnie tym, što «nie zaryjentavaŭsia».

Na pasiadžeńnie Abałonskaha suda Zialenski nie źjaviŭsia.

0

0

0

0

0

0