U Lidzie dziaciej vyvieli sustrakać polskaha čynoŭnika ź vializnym polskim ściaham FOTA
Žurnalist Andrej Pačobut apublikavaŭ u fejsbuku fotazdymki ź vizita dziaržaŭnaha sakratara polskaj kancalaryi Adama Kviatkoŭskaha ŭ Lidu.
Tam na sustreču z čynoŭnikam vyvieli vučniaŭ polskamoŭnaj škoły, u ruki im dali polskija ściažki. Za śpinami — vializny polski ściah.
«Naša Niva» udakładniła ŭ staršyni Sajuza palakaŭ Biełarusi Anžaliki Borys, hramadzianami jakoj krainy źjaŭlajucca hetyja dzieci.
«Heta hramadzianie Biełarusi», — adkazała jana.
Borys pierakananaja, što ničoha zahannaha ŭ takoj praktycy niama.
«My — Sajuz palakaŭ. A heta — prezidencki ministr. My zaŭsiody vyviešvajem ściah, heta mižnarodnaja praktyka pry takich vizitach. Polski ministr byŭ u Lidzie ź vizitam u polskuju škołu, byŭ taksama ŭ Hrodnie. Tam my arhanizoŭvali mierapryjemstva da 2 maja — Dnia ściaha, Dnia Kanstytucyi. I tam taksama vyviešvali ściah. I budziem vyviešvać, pakul budziem žyć. A biełarusy chaj vyviešvajuć svoj bieła-čyrvona-bieły ściah, ja nie suprać», — patłumačyła jana.