Mastak Aleś Puškin napisaŭ zajavu na «rasijan», jakija abražali biełaruskuju movu
Mastak Aleś Puškin napisaŭ zajavu prakuroru Krupskaha rajona na mužčyn, jakija pradstaŭlalisia rasijanami i abražali biełaruskuju movu. Zdareńnie adbyłosia 8 traŭnia ŭ kramie ŭ Krupkach.
Puškin paprasiŭ «rabotnika ŭ firmiennym adzieńni kramy, ale biez bedžyka» pakazać, dzie znachodzicca raspuščalnaja kava. U adkaz pačuŭ «łajanku, abrazy biełaruskaj movie i kultury, nachabnaje śćviardžeńnie, što jon, maŭlaŭ — «rasijanin» i nie ličyć patrebnym viedać biełaruskuju movu». Hety rabotnik syšoŭ, ale paźniej mastak ź im znoŭ sutyknuŭsia ŭ handlovaj zale. I znoŭ zdaryŭsia kanflikt. Pa słovach Alesia Puškina, mužčyna znoŭ abražaŭ jaho i biełaruskuju movu. Jaho padtrymaŭ i supracoŭnik achovy kramy, jaki taksama pradstaviŭsia «rasijaninam».
Praź niekalki hadzin rabotnik kramy napisaŭ zajavu na Puškina ŭ Krupski RAUS i ŭ mastaka ŭziali tłumačeńni. Mahčyma, što «rasijanin» pradstaviŭ zusim inšuju viersiju kanfliktu.
