Zialenski — Parašenku: Vy mnie nahadvajecie turysta ŭ hateli. Zdajcie kluč, raspłaciciesia za mini-bar
Novaabrany kiraŭnik Ukrainy Uładzimir Zialenski patrabuje ad deputataŭ na najbližejšym pasiadžeńni pryznačyć datu inaŭhuracyi na 19 maja.
Bo za hety čas, padkreśliŭ Zialenski, Parašenka «ździajśniaje niezvarotnaje».
«Jon (Piatro Parašenka) pravodzić aktyŭnyja pierastanoŭki ŭ vyšejšym kamandavańni armii, sprabuje prapchnuć svajho staršyniu Nacrady pa pytańniach telebačańnia i radyjoviaščańnia, pryznačaje sudździaŭ Viarchoŭnaha suda, siarod jakich jurysty «Rašena», sudździ Majdana … Daje zvańnie «Hieroja Ukrainy» staršyni Słužby biaśpieki Ukrainy spadaru Hrycaku».
Zialenski zaznačaje, što biessensoŭna niešta davodzić čałavieku, jaki kaža: «ja hatovy padstavić plačo», a sam trymaje dźvie duli ŭ kišeni.
«Heta nahadvaje mnie turysta ŭ jehipieckim hateli: zaŭtra dadomu, valizki spakavanyja, numar užo prybrali, i narmalny vychavany čałaviek čakaje tranśfier u aeraport. Ale nie Parašenka. Jon nijak nie supakoicca. Ciahnie ručniki, tepci i biare ŭsio zapar sa šviedskaha stała. Ja vas vielmi prašu, zdajcie kluč, raspłaciciesia za mini-bar, i napierad. Vam jašče mytniu i pašpartny kantrol prachodzić», — zaznačyŭ Zialenski.
