Hurt «Mutnajevoka» prezientuje sinhł «Linii» AŬDYJA
Heta pieršy trek paśla vychadu treciaha paŭnafarmatnaha alboma «Mietro» hod tamu.
«Linii» - heta vobraz pierałomnaha momanta ŭ žyćci kožnaha, kali tvajo ŭnutranaje «ja» prachodzić samaidentyfikacyju: «ja ŭ hramadstvie» ci «ja i hramadstva». U vyniku padobnych vyprabavańniaŭ ty znachodziš svaju «takuju ž» druhuju pałovu.
Usie my takija roznyja, ale ŭsie my zaadno. I navat šnary žyćcio nam pakinuła adnyja», — tłumačać udzielniki hurta.
Chłopcam udałosia abjadnać luboŭ da pop-muzyki, prymianić jejnyja pryjomy va ŭłasnaj tvorčaści, a taksama čarhovy raz paekśpierymientavać z hučańniem, nie pryviazvajučysia da kankretnaha stylu.
Kampazicyja sinhła naŭmysna pabudavana nie ŭ ahresiŭnaj formie. Jašče raz pierakonvajučy tych, chto stereatypna myślić: «rok — hvałt». Ale sapraŭdnyja mocnyja pieražyvańni možna danieści i srodkami miłahučnaj kanstrukcyi.
Sinhł «Linii» hučyć biez abmiežavańniaŭ pa ŭzroście i sacyjalnym stanoviščy. Rekamiendujecca dla pryvatnaha i kalektyŭnaha prasłuchoŭvańnia. Reposty, padabajki i lubyja inšyja ŭzajemadziejańni zakonam nie karajucca.
Łajv-prezientacyja ŭ Minsku adbudziecca 16 traŭnia ŭ kłubie Brugge. Kvitki možna nabyć anłajn.
«Mutnajevoka» u sacsietkach: VK, Instagram.
Infarmacyjna-aśvietnickaja ŭstanova «Amaroka». UNP 191688610