U Rasii nazvali pryčynu źjaŭleńnia «brudnaj» nafty ŭ trubapravodzie «Družba»
Brudnuju naftu zahruzili ŭ trubapravod «Družba», kab utaić kradziažy. Pra heta ŭ aŭtorak, 7 maja, paviedamiła aficyjny pradstaŭnik Śledčaha kamiteta Rasii Śviatłana Piatrenka, pieradaje TASS.
Pavodle śledstva, sa žniŭnia 2018 hoda pa krasavik 2019 hoda złačynnaja hrupa z šaści čałaviek «ździejśniła šmatrazovyja kradziažy nafty» ŭ asabliva bujnym pamiery.
U sakaviku i krasaviku 2019 hoda, kab utaić kradziažy, niekalki padazravanych pastavili naftu, jakaja nie adpaviadaje standartam, u vuzieł źlivu kala vioski Mikałajeŭka Samarskaj vobłaści.
Zabrudžanaja nafta patrapiła ŭ naftaschovišča i ŭ sistemu mahistralnaha trubapravoda. U vyniku vosiem reziervuaraŭ parku «Łapacina» stali nieprydatnyja dla ekspłuatacyi.
Zaviali kryminalnuju spravu pa artykułach «Pryviadzieńnie ŭ nieprydatnaść naftapravoda, ździejśnienaje z karyślivych mierkavańniaŭ, hrupaj asob pa papiaredniaj zmovie», «Arhanizacyja złačynnaj supolnaści i ŭdzieł u joj» i «Kradziež». Čaćviora padazravanych aryštavanyja, dvoje znachodziacca ŭ vyšuku.