Hrybaŭskajcie: Litva nie moža supracoŭničać ź Biełaruśsiu z pryčyny BiełAES
Litva nie moža supracoŭničać ź Biełaruśsiu z-za budaŭnictva atamnaj elektrastancyi ŭ Astraŭcy, pakolki tak jana pryznała b zakonnaść hetaj niebiaśpiečnaj elektrastancyi i straciła b mahčymaść patrabavać jaje zakryćcia, skazała prezident Litvy Dala Hrybaŭskajcie, piša Delfi.
«Lubaja zhoda na ŭdzieł i stvareńnie sumiesnych instytutaŭ budzie aznačać lehitymacyju Astravieckaj AES. Heta aznačała b, što my źviazvajem svaje ruki, i my nie zmožam patrabavać, kab Biełaruś zakryła hetuju elektrastancyju», — skazała Hrybaŭskajcie žurnalistam u aŭtorak.
Heta, pa jaje słovach, adnosicca i da prapanovy Biełarusi damovicca ab stvareńni sumiesnaj sistemy manitorynhu Astravieckaj AES. Takuju prapanovu stanoŭča acaniŭ premjer-ministr Saŭlus Skviarnialis.
Hrybaŭskajcie padkreśliła, što zabiaśpiečyć biaśpieku Astravieckaj AES niemahčyma. «Zhodna z rašeńniem Espaa, prablema nie ŭ biaśpiecy elektrastancyi, a ŭ tym, što abranaja placoŭka niebiaśpiečnaja. Heta aznačaje, što hetaja elektrastancyja naohuł nie moža funkcyjanavać i takoj pavinna być palityčnaja meta Litvy», — skazała prezident Litvy.