Daradca Pucina: Zialenski moža zasialić začyščany Danbas vychadcami ź Izraila
Abrany prezident Ukrainy Uładzimir Zialenski pa ŭkazańni administracyi kiraŭnika ZŠA Donalda Trampa moža zasialić Danbas vychadcami ź Izraila. Pra heta ŭ svaim aŭtarskim błohu ŭ čarnasociennaj haziecie «Zavtra» napisaŭ daradca prezidenta Rasii pa pytańniach rehijanalnaj ekanamičnaj intehracyi Siarhiej Hłaźjeŭ.
«Ja nie vyklučaju, naprykład, mahčymaści masavaha pierajezdu na «začyščanyja» ad ruskaha nasielnictva ziemli paŭdniova-uschodu Ukrainy žycharoŭ Ziamli zapavietnaj, jakija stamilisia ad piermanientnaj vajny na Blizkim Uschodzie — a taksama chryścijan, što biahuć ź Jeŭropy, jakaja isłamizujecca», — zajaviŭ Hłaźjeŭ.
Jon dadaŭ, što Zialenski moža pajści i pa inšym scenary — heta budzie zaležać ad raskładu sił i intaresaŭ Zachadu. Adnak niaźmiennym, na dumku palityka, zastaniecca tolki rusafobski charaktar ukrainskich uładaŭ.
