Pieraśled chryścijan u arabskich krainach nabyŭ maštaby hienacydu — dakład
Pieraśled chryścijan u niekatorych rehijonach śvietu amal dasiahaje ŭzroŭniu hienacydu, havorycca ŭ daśledavańni, praviedzienym pa rasparadžeńni ministra zamiežnych spraŭ Vialikabrytanii Džeremi Chanta, paviedamlaje Bi-Bi-Si.
U pramiežkavym dakładzie, składzienym kamisijaj, jakuju ŭznačalvaŭ biskup Trura Filip Maŭntstyvien, havorycca, što kožny treci čałaviek na płaniecie stanovicca achviaraj pieraśledaŭ na relihijnaj hlebie.
U tym ža dakładzie śćviardžajecca, što chryścijanie — najbolš hnanaja katehoryja viernikaŭ.
Pa słovach ministra Chanta, palitkarektnaść u tym liku vinavataja ŭ tym, što hetaja prablema nie ŭzdymajecca ŭ ŚMI i joj nie nadajecca naležnaja ŭvaha.
Aŭtary dakładu zajaŭlajuć, što chryścijan masava vymušajuć źjazdžać z rodnych miescaŭ, u vyniku čaho chryścijanstva moža być całkam vyniščana ŭ mnohich krainach Blizkaha Uschodu.
Naprykład, havorycca ŭ dakładzie, na hety momant chryścijanie składajuć usiaho tolki 1,5% nasielnictva siarod paleścincaŭ. U Iraku da 2003 hoda pražyvali 1,5 młn chryścijan, ale siońnia ich tam zastałosia mienš za 120 tysiač.
«Dadzienyja pakazvajuć nie tolki na toje, što chryścijan pieraśledujuć va ŭsio bolšaj kolkaści krain, ale taksama, što hanieńni stanoviacca ŭsio bolš žorstkimi», — kaža biskup Filip Maŭntstyvien.
«Možna skazać, što ŭ niekatorych rehijonach pieraśled chryścijan pa svaim maštabie i charaktary nabliziŭsia da ŭzroŭniu, adpaviednamu mižnarodnamu vyznačeńniu hienacydu pa kłasifikacyi AAN», — dadaje jon.
