Pajki skaročanyja da rekordna nizkaha ŭzroŭniu: u KNDR haładajuć 10 miljonaŭ čałaviek
WPF
U AAN zajavili, što ŭ KNDR z-za nieŭradžaju skaracili charčovyja pajki da rekordna nizkaha ŭzroŭniu. Ab hetym paviedamlajecca na sajcie arhanizacyi.
«U chodzie acenki było ŭstanoŭlena, što dziaržaŭnaja sistema raźmierkavańnia, na jakuju abapirajecca značnaja častka nasielnictva, była vymušana skaracić pajki da samaha nizkaha ŭzroŭniu za hety čas hoda», - havorycca ŭ paviedamleńni.
Daśledavańnie stanovišča ŭ Paŭnočnaj Karei pravodzili Suśvietnaja charčovaja prahrama i Charčovaja i sielskahaspadarčaja arhanizacyja Abjadnanych Nacyj u krasaviku.
Da nieŭradžaju pryviali zasucha i pavodki. U AAN adznačyli, što jon staŭ najhoršym za apošnija 10 hadoŭ. Pavodle dadzienych daśledavańnia, u KNDR kala 10 młn žycharoŭ pakutujuć ad niedachopu charčavańnia. U arhanizacyi dadali, što heta aznačaje, što ŭ ich nie chapaje ježy da nastupnaha ŭradžaju, paviedamlaje RBK
Pa acenačnych źviestkach, u 2018 hodzie ŭ KNDR žyli 25 młn čałaviek.
