U Breście student-palitołah vypaŭ z akna internata, jon u ciažkim stanie
U Breście z akna internata №4, što na vulicy Puškinskaj, vypaŭ student-pieršakurśnik. Chłopiec u reanimacyi.
Pieršym pra zdareńnie paviedamiŭ telehram-kanał Niechta.
«Chłopiec — sapraŭdny biełaruski patryjot, što padabałasia nie ŭsim vykładčykam i zusim nie padabałasia miascovamu BRSM. Akramia taho, vučycca jamu było składana — u junaka miełasia invalidnaść pa zroku. Student vyžyŭ i ciapier znachodzicca ŭ reanimacyi. Stan ciažki», — piša błohier Ściapan Puciła.
Viadoma, što chłopiec vučyŭsia ŭ Bresckim dziaržaŭnym univiersitecie (bolš viadomym u narodzie jak «piedahahičny ŭniviersitet»). U navučalnaj ustanovie, jak zaviedziena, historyju nichto nie afišuje.
Studenty kamientavać situacyju bajacca, adsyłajuć da administracyi. Administracyja pa staroj tradycyi ničoha nie kamientuje. Namieśnica dekana pa vychavaŭčaj pracy Jaŭhienija Zańko paviedamiła: «Ja admaŭlajusia davać kamienty ŭ tyja dni, kali ŭ nas hora!».
Praŭda, niekatoryja studenty ŭsio ž paćvierdzili, što vypadak sapraŭdy byŭ. Z akna vypaŭ pieršakurśnik histaryčnaha fakulteta Fiodar H.
Fiodar, fota z sacsietak
Chłopiec žyvy, ale znachodzicca ŭ reanimacyi. Abstavinaŭ zdareńnia surazmoŭcy nie viedajuć. Chłopiec sapraŭdy mieŭ prablemy sa zrokam. Sam jon sirata, žyŭ u internacie. Vučyŭsia na palitałohii.
Na staroncy chłopca sapraŭdy šmat biełaruskamoŭnych cytat. Praŭda, studenty abviarhajuć, što ŭ chłopca byli prablemy z vykładčykami ci BRSM. Dy i jaho siabar kaža, što Fiodar na vučobu ci niejkija prablemy nie skardziŭsia.