Zialenski: U Rasii i Ukrainy zastałasia z supolnaha tolki miaža
Na svajoj staroncy ŭ Facebook Zialenski padzialiŭsia dumkami pra toje, jak jon maje namier raźvivać adnosiny z Rasijaj. «Doŭha dumaŭ pra toje, što ž supolnaha jość u Ukrainy i Rasii. Realnaść takaja, što na siońnia paśla anieksii Kryma i ahresii na Danbasie z ahulnaha ŭ nas zastalisia tolki 2295 km 400 m dziaržaŭnaj miažy», — napisaŭ abrany prezident.
Pavodle jaho słoŭ, Rasija pavinna viarnuć Ukrainie «kantrol nad kožnym milimietram miažy». «Tolki tady my zmožam praciahnuć pošuki «supolnaha», — dadaŭ jon.
«Spynieńnie ekspartu naftapraduktaŭ, adkryćcio punktaŭ vydačy rasijskich pašpartoŭ žycharam Danbasa, utrymańnie ukraincaŭ u pałonie. Usio heta ni na krok nie nabližaje ŭrehulavańnie adnosin pamiž našymi krainami. I «bratnimi» takija adnosiny dakładna nazvać nielha», — dadaŭ Zialenski.
