Daktary skazali Kasiljasu, što dalej jon pavinien žyć biez futboła
Fota z tvitara Ikiera Kasiljasa
Hałkipieru partuhalskaha «Portu» Ikieru Kasiljasu pryjdziecca zaviazać z karjeraj futbalista, ličyć urač-kardyjołah Chuan Antonia Karbałan. Pra heta paviedamlaje partuhalski partał AS.
Pa słovach doktara, hulać u futboł z karanarnym stentam niemahčyma. «Ikier u kančatkovym vyniku budzie vieści narmalnaje žyćcio, ale nie budzie zajmacca sportam na prafiesijnym uzroŭni», — śćviardžaje kardyjołah.
Sam futbalist raniej napisaŭ u Twitter, što jaho stan stabilizavaŭsia, i jon adčuvaje siabie narmalna. Jon padziakavaŭ zaŭziataram za ich padtrymku.
Kasiljas hulaŭ za «Reał» z 1998 pa 2015 hod, piacirazovy čempijon Ispanii, trojčy vyjhravaŭ Lihu čempijonaŭ, čempijon śvietu pa futbole (2010). U 2015 hodzie pierajšoŭ u «Portu», staŭ čempijonam Partuhalii. Jahony kantrakt z partuhalskim kłubam raźličany jašče na hod.
