Vychavacielka ŭ Rasii prymusiła całavać ziamlu chłopčyka, jaki skazaŭ, što nie lubić Rasiju i ruskich VIDEA
Palicyja Krasnadarskaha kraju pačała pravierku paśla źjaŭleńnia ŭ internecie videa, na jakim žančyna ździekujecca z chłopčyka i na vačach u inšych dziaciej i darosłych prymušaje jaho ŭstać na kaleni i całavać ziamlu.
Havorka idzie pra dziciačy sadok «Zoračka» ŭ Krasnadary, a sam incydent adbyŭsia ŭ aŭtorak, 30 krasavika.
Pavodle Telegram-kanała Baza, chłopčyka prynižała zahadčyca sadka, «daśviedčany piedahoh, jakaja navat trapiła ŭ rejtynh vykładčykaŭ Krasnadarskaha kraju». Pavodle jaje słoŭ, dzicia składanaje, jamu piać hadoŭ, jaho siamja pierajechała ŭ horad z adnoj z paŭdniovych respublik, i jon adrazu pačaŭ kryŭdzić inšych dziaciej.
Na videa žančyna ŭ dziciačym sadzie kryčyć na maleńkaha chłopčyka i stavić jaho na kaleni. Zatym jana pryciskaje jaho hałavu da ziamli i prymušaje całavać jaje za toje, što jon nibyta skazaŭ, što nienavidzić ruskich i Rasiju. «Całuj ziamlu, pačvara. Tuju, jakaja ciabie kormić i poić», — kaža jana dziciaci. Paśla hetaha žančyna razvažaje ab maralnaści, vychavańni i nacyjanaliźmie.
