Na dachu Notr-Dama paśla adnaŭleńnia prapanavali zrabić sady i pčalnik FOTY
Sad i pčalnik pad škłom — taki prajekt prapanavała hrupa architektaraŭ Studio NAB u jakaści varyjantu adnaŭleńnia zharełaha dachu sabora Paryžskaj Božaj Maci, piša The New York Post.
Zhareły dach i špil prapanujuć zamianić stalovaj kanstrukcyjaj i šklanymi panelami, jakija stvorać ciapličnuju prastoru.
Płanujecca zachavać i pčoł, jakija žyli tut raniej i vyžyli pry pažary. Aranžarejny kompleks moža być vykarystany ŭ adukacyjnych dziciačych i ekałahičnych prahramach.
Pažar u sabory Paryžskaj Božaj Maci pačaŭsia viečaram 15 krasavika. Abvalilisia dźvie traciny dachu, całkam zhareŭ hatyčny špil.
Prezident Francyi Emaniuel Makron zajaviŭ 16 krasavika, što sabor treba adramantavać za piać hadoŭ. Raniej pradstaŭnik restaŭracyjnaj kampanii SOCRA Patryk Palem kazaŭ, što rekanstrukcyja budynka zojmie 15—20 hadoŭ.
