I «Pieršamaja» taksama nie budzie. Niezaležnyja prafsajuzy admovilisia ad akcyi na Dzień pracy
Biełaruskaja kanfiederacyja demakratyčnych prafsajuzaŭ vyrašyła ŭ 2019 hodzie admovicca ad praviadzieńnia vuličnych akcyj na 1 maja — Mižnarodny dzień salidarnaści pracoŭnych. Pryčyna taja ž, što z Čarnobylskim šlacham: nie chočuć płacić milicyi za achovu, paviedamlaje Radyjo Svaboda.
Admovu ad akcyjaŭ paćvierdziŭ Svabodzie staršynia Kanfiederacyi Alaksandr Jarašuk — hetaje rašeńnie pryniali 11 krasavika.
Pryčyna admovy ad akcyjaŭ, tłumačyć Jarašuk, taja ž, što była ŭ arhanizataraŭ Čarnobylskaha šlachu: milicyi treba płacić «šalonyja hrošy», a heta, kaža jon, «ździek ź ludziej, z arhanizacyi, sa zdarovaha sensu». Kali vybirać miž tym, kab admaŭlacca ad apłaty i parušać praviły arhanizacyi mitynhaŭ, i tym, kab ničoha nie ładzić, druhoje budzie bolš pravilnym, razvažaje jon.
«Kali niešta inšaje ŭčyniać, treba mieć siły i hatoŭnaść ludziej rabić masavyja akcyi, — kaža Jarašuk. — A ni hatoŭnaści, ni siłaŭ my nie bačym. Ludzi jašče nie hatovyja vyjści za svaje pravy i pryncypy».
