Rasijskaja prapahandystka Simańjan prapanavała davać rasijskaje hramadzianstva ŭsim ruskim, kab nie dapuścić isłamizacyi Rasii
Hałoŭny redaktar kramloŭskaha prapahandysckaha telekanała RT Marharyta Simańjan nazvała čatyry pryčyny, pa jakich Rasii varta davać «hramadzianstva dla ŭsich ruskich». Adnym z arhumientaŭ stała isłamizacyja Rasii.
Miačeć u Kazani. Fota: Pixabay.
Pa słovach Simańjan, «kali ničoha nie mianiać», to da 2040 hoda Rasija stanie «zusim inšaj krainaj».
«Pačniom z taho, što Rasija budzie krainaj musulmanskaj. Heta miedycynski fakt, paćvierdžany mnostvam raźlikaŭ. Ničoha nie maju suprać isłamu, jak i suprać luboj inšaj relihii. Ale pasprabujcie ŭjavić, što da taho času, jak vašyja dzieci buduć u vašym uzroście, prezidentam Rasii stanie Chabib Nurmahamiedaŭ», — prapanavała jana
Simańjan adznačyła, što i suprać Nurmahamiedava ničoha nie maje, adnak chacieła b zachavać svaim dzieciam radzimu ŭ kulturnym, mientalnym i relihijnym vyhladzie takoj, jakoj jana jaje viedaje — «śvieckaj krainaj, dzie kvitnieje mnostva kanfiesij i etnasaŭ». Heta mahčyma dziakujučy tamu, što pravasłaŭnyja ruskija dazvalajuć padtrymlivać hety status-kvo, miarkuje jana.
