U Śvietłahorsku vynieśli prysud babuli, pa vinie jakoj z bałkona šostaha paviercha vypaŭ 4-hadovy ŭnuk
U pačatku śniežnia dzicia pa niedahladzie babuli vypała z bałkona šostaha paviercha. Praź dzień dzicia pamierła.
25 krasavika Śvietłahorski sud na zakrytym sudovym pasiadžeńni vynies prysud 46-hadovaj babuli zahinułaha małoha. Žančyna była pryznanaja vinavataj u «nienaležnym vykanańni abaviazkaŭ pa zabieśpiačeńni biaśpieki žyćcia i zdaroŭja małaletniaha asobaj, jakaja dobraachvotna pryniała na siabie takija abaviazki, jakija paciahnuli pa nieaściarožnaści śmierć małaletniaha».
Sud pryznačyŭ joj pakarańnie ŭ vyhladzie abmiežavańnia voli na try hady biez nakiravańnia ŭ vypraŭlenčuju ŭstanovu, a taksama abaviazaŭ vypłacić štraf dziaržavie ŭ pamiery 2550 rubloŭ. Na karyść paciarpiełaj, a joj pryznana prababula dziciaci, žančyna vypłacić 3000 rubloŭ. Akramia hetaha, žančyna budzie prymusova lačycca ad ałkahalizmu.