Va Uźbiekistanie zabaranili razdaču hieorhijeŭskich stužak da 9 Maja
Premjer-ministr Uźbiekistana Abduła Arypaŭ raskrytykavaŭ vykarystańnie hieorhijeŭskich stužak na śviatkavańni Dnia Pieramohi i daručyŭ praduchilić ich raspaŭsiud. Pra heta piša EurAsia Daily.
Zamiest hieorhijeŭskich stužak va Uźbiekistanie da śviata Pieramohi, jakoje ŭ respublicy nazyvajecca Dniom pamiaci i pašany, buduć razdavać stužki ŭ kolerach nacyjanalnaha ściaha.
Padčas sielektarnaj narady, pryśviečanaj śviatkavańniu, jon raskrytykavaŭ raspaŭsiudžvańnie hieorhijeŭskich stužak i rasparadziŭsia zamiest ich vyrabić i razdać 100 tys. stužak u kolerach ściaha Uźbiekistana. Akramia taho, jon daručyŭ arhanizavać u sietcy Facebook akcyju, padčas jakoj karystalniki buduć publikavać vyjavu ŭźbiekskaha ściaha. Da akcyi, na dumku Arypava, pavinny dałučycca śpievaki, spartoŭcy, akciory, humarysty.
«Heta mierapryjemstva nieaficyjnaje, tamu jano pavinna ščyra abjadnać ludziej», — ukazaŭ Arypaŭ.
