Sinoptyki raspaviali pra nadvorje na Vialikdzień, a taksama pra toje, kali pachaładaje
Fota Viktara Małyščyca
U Biełarusi ŭ kancy pracoŭnaha tydnia i vychadnyja zachavajecca ciopłaje nadvorje, paviedamili BiełTA ŭ Hidramiecie.
Na hetym tydni tempieraturny fon apynuŭsia na 3—5 hradusaŭ vyšej za klimatyčnuju normu, apadkaŭ praktyčna niama, u krainie vysoki ŭzrovień pažarnaj niebiaśpieki.
U piatnicu na bolšaj častcy terytoryi istotnych apadkaŭ nie prahnazujecca, tolki miescami pa Bresckaj i Hrodzienskaj abłaściach karotkačasovyja daždžy, mahčymy navalnicy.
Tempieratura pavietra ŭnačy składzie 7—13, miescami — +3-6 hradusaŭ. Dniom budzie +21—27.
U subotu nočču miescami, dniom na bolšaj častcy terytoryi Biełarusi projduć karotkačasovyja daždžy, u niekatorych rajonach z navalnicami.
Unačy +7—14, dniom - + 19-26.
U niadzielu nadvorje buduć vyznačać małaruchomyja frantalnyja sistemy. U bolšaści rajonaŭ krainy čakajucca karotkačasovyja daždžy, miescami navalnicy. Unačy składzie 8-13, udzień - 14-20, miescami - da +24.
«Na pačatku nastupnaha tydnia kivač nadvorja chiśniecca ŭ bok pachaładańnia. Biełaruś apyniecca na pieryfieryi skandynaŭskaha antycykłonu, sfarmiravanaha ŭ chaładnavatym pavietry paŭnočnych šyrot, u paŭdniovych rehijonach krainy jašče zachavajecca ŭpłyŭ frantalnaha padziełu», - prainfarmavali ŭ Biełhidramiecie.
29 krasavika dniom tempieratura składzie 10-17 hradusaŭ.