Balšynia samalotaŭ u Vilenskim aeraporcie zapraŭlajecca biełaruskim palivam
Biełaruskaja naftavaja kampanija (BNK) istotna pašyryła vytvorčaść reaktyŭnaha paliva, jakoje vyrablajecca na navapołackim «Naftanie», piša Radyjo Svaboda.
Pra heta zajaviŭ namieśnik hiendyrektara BNK Siarhiej Hryb.
Pavodle jaho, prykładna 60% usich samalotaŭ, jakija vylatajuć z aeraporta Vilni, zapraŭlenyja biełaruskim palivam. Taksama idzie aktyŭnaje zasvajeńnie hetaha rynku ŭ Estonii. Kampanija maje daččynyja struktury ŭ Brytanii, Łatvii i Polščy.
Siarhiej Hryb patłumačyŭ, čamu Biełarusi vyhadna pradavać u ES dyzielnaje paliva, ale nie bienzin.
«Sprava ŭ tym, što Jeŭropie nie chapaje dyzielnaha paliva, tamu biełarusy pastaŭlajuć jaho tudy biaz myta. A voś bienzina ŭ krainach ES dastatkova, adpaviedna, hetaje paliva abkładajecca mytam», — adznačyŭ Siarhiej Hryb.
Jon skazaŭ, što ciapier razhladajucca inšyja varyjanty pastavak biełaruskaha bienzina, u pryvatnaści heta tyčycca dziaržaŭ Afryki i Łacinskaj Amieryki.
Ciapier asnoŭny prodaž biełaruskich vyrabaŭ z nafty prypadaje na Ukrainu, Polšču i krainy Bałtyi. Pačynajuć asvojvacca rynki Słavakii i Čechii