«Šachcior» prynios prabačeńni za śpievy fanataŭ padčas chviliny maŭčańnia
Salihorski «Šachcior» prynios publičnyja prabačeńni za pavodziny fanataŭ pierad matčam z «Homielem». Zaŭziatary śpiavali padčas chviliny maŭčańnia, abvieščanaj u pamiać Juryja Blinova — pijanista z suśvietnym imiem i cuzasnavalnika «Krumkačoŭ», piša sport.tut.by.
Fota: vk.com/fcshakhterby.
21 krasavika, niezadoŭha da pačatku matča, Juryj Blinoŭ pamior. Jon nie dabieh niekalki mietraŭ da finišu na ekamarafonie, jaki prachodziŭ u Homieli. Daktary na praciahu 50 chvilin akazvali dapamohu 43-hadovamu muzykantu, ale vyratavać jaho žyćcio nie zmahli.
Pavažanyja siabry.
FK «Šachcior» ad rabotnikaŭ kłuba, hulcoŭ, trenierskaha štaba i balelščykaŭ vykazvaje hłybokija spačuvańni rodnym i blizkim Juryja Blinova.
Taksama FK «Šachcior» prynosić prabačeńni rodnym i blizkim Juryja za situacyju, jakaja ŭźnikła na matčy «Homiel» — «Šachcior». My ŭpeŭnienyja, što ŭ dziejańniach našych zaŭziataraŭ nie było złoha namieru abrazić pamiać pra vydatnaha kampazitara i pijanista Biełarusi, zasnavalnika FK NFK i prosta dobraha čałavieka. Ale heta ni ŭ jakim razie nie apraŭdvaje taho, što zdaryłasia. Tamu my jašče raz ad imia ŭsiaho kłuba i našych prychilnikaŭ prynosim svaje ščyryja prabačeńni.
Z pavahaj i pažadańniem usim mocnaha zdaroŭja, FK «Šachcior»,
— havorycca ŭ zajavie kłuba na staroncy «UKantakcie».
U Homieli padčas paŭmarafona pamior suzasnavalnik «Krumkačoŭ», viadomy pijanist Juryj Blinoŭ