Biełtelekam pavyšaje taryfy na internet na 4%
«Biełtelekam» z 3 maja pavyšaje košt pasłuh.
Košt pasłuh dostupu ŭ internet i pakietaŭ pasłuh elektrasuviazi pavialičycca ŭ siarednim na 4%.
Naprykład, taryf «Rekord 10», jaki raniej kaštavaŭ 18 rubloŭ, ciapier budzie kaštavać 19 rubloŭ.
«Rekord 50 new» — 25 rubloŭ zamiest 24.
«Damasied Siamiejny» padaražeje na 50 kapiejek — da 17,50 rubla.
Košt pasłuh telehrafnaj suviazi, mižnarodnych telefonnych złučeńniaŭ (u tym liku pa propusku trafiku apierataraŭ elektrasuviazi Biełarusi na sietki zamiežnych apierataraŭ), pasłuh telebačańnia, vychad na abanientaŭ sotavaj ruchomaj elektrasuviazi, daviedačna-infarmacyjnych pasłuh i inšych dadatkovych pasłuh elektrasuviazi pavialičycca ŭ siarednim na 5%. Pavyšeńnie nie zakranie taryfaŭ na rehulavanyja pasłuhi miascovaj i mižharodniaj telefonnaj suviazi, pasłuhi dostupu ŭ liniejna-kabielnyja zbudavańni, dostupu ŭ internet z harantavanaj pałasoj prapuskańnia.
