U Kramli prakamientavali pastaŭki niajakasnaj nafty ŭ Biełaruś
Uładzimir Pucin i Alaksandr Łukašenka nie viaduć pieramovy z-za transparciroŭki niajakasnaj rasijskaj nafty praź Biełaruś, pieradaje lenta.ru sa spasyłkaj na pres-sakratara prezidenta Rasii Dźmitryja Piaskova.
«Mienavita pa hetaj temie ciapier pieramovaŭ na ŭzroŭni kiraŭnikoŭ dziaržaŭ niama», — zajaviŭ Piaskoŭ, kamientujučy paviedamleńnie pra paharšeńnie jakaści paliva ŭ naftapravodzie.
19 krasavika ŭ «Biełnaftachimie» paviedamili, što jakaść rasijskaj ekspartnaj sumiesi Urals, jakaja pastupaje tranzitam na ŭčastak mahistralnaha naftapravoda «Homieltransnafta Družba», sapsavałasia. Adznačałasia, što ŭtrymańnie chłorarhaničnych złučeńniaŭ u palivie pieravysiła ŭ dziasiatki razoŭ hraničnyja značeńni pa standarcie, z-za čaho vyjšła sa stroju darahoje abstalavańnie na Mazyrskim NPZ.
Rasijskaja «Transnafta» piśmova pryznała fakt pastaŭki niajakasnaj nafty ŭ Biełaruś. U ciapierašni čas baki abmiarkoŭvajuć techničnyja i kampiensacyjnyja pytańni.