U minskich kinateatrach nie buduć pakazvać rasijski prapahandyscki film «Danbas. Uskraina»
Danbas. Uskraina
Pradprymalnik Pavieł Biełavus raskazaŭ pra toje, jak jaho šakavaŭ pachod ŭ minski kinateatr Silver Screen.
«Pryjšoŭ ja ŭčora ŭ kino. Pierad pakazam: pieršaja rekłama pierad filmam — pa-biełarusku, druhaja rekłama — pa-biełarusku, treciaja — pa-biełarusku! — tłumačyć Biełavus. — Ale dalej pakazali trejler rasijskaha prapahandysckaha filma «Donbass. Okraina», z šaŭronam «Navarosii» u kadry i dyjałohami pra «nacykaŭ», «vatnikaŭ» i «kałaradaŭ». I zaprašeńnie na premjeru 12 červienia, žach!»
Fota z kinateatra
Što za film «Danbas. Uskraina»?
Heta źniaty na zamovu rasijskaj dziaržavy film, jaki pakazvaje karcinu ŭ vyhadnym dla Kramla śviatle, hieraizujučy terarystaŭ i bajevikoŭ hetak zvanaj Navarosii.
Što hety film moža rabić u biełaruskaj kinasietcy?
U «Silvier Skrynie» apieratyŭna adreahavać na zapyt «Našaj Nivy» nie zdoleli, ale raźmiaścili adkaz u fejsbuku Paŭła Biełavusa.
U adkazie značycca, što kamiercyjnuju rekłamu pierad filmam padbiraje sam kinateatr, na hetym usio.
«Błok trejleraŭ — heta častka samoha filma, i jaho vyrazać my nie možam. Film, pra jaki viadziecca havorka, my pakazvać u svaich kinateatrach nie budziem», — adkazali Biełavusu.
U «Kinavideaprakacie», najbujniejšaj sietcy kinateatraŭ, film pra Danbas taksama nie pakažuć. Namieśnik dyrektara ŭstanovy Andrej Razžavajkin zapeŭniŭ, što takoha filma ŭ sietcy pakazaŭ nie isnuje.
