ES paabiacaŭ Zialenskamu mocnuju tryvałuju padtrymku
Kiraŭnik Jeŭrapiejskaj kamisii Žan-Kłod Junkier i prezident Jeŭrarady Donald Tusk pavinšavali ź pieramohaj na prezidenckich vybarach Uładzimira Zialenskaha, zajaviŭšy, što jon moža raźličvać na tryvałuju padtrymku Jeŭrasajuzam Ukrainy na šlachu reformaŭ i ŭ baraćbie za svaju cełasnaść, piša Ukrainskaja praŭda.
U paniadziełak ranicaj Žan-Kłod Junkier apublikavaŭ u svaim tvitary supolny z Tuskam list, u jakim pavinšavaŭ Zialenskaha i adznačyŭ, što narod Ukrainy prademanstravaŭ mocnuju prychilnaść da demakratyi i viaršenstva prava na praciahu ŭsiaho vybarčaha pracesu.
«Jak prezident Ukrainy, vy možacie raźličvać na tryvałuju padtrymku Ukrainie na šlachu reformaŭ z boku Jeŭrapiejskaha sajuza, uklučajučy ŭmacavańnie viaršenstva prava, baraćbu z karupcyjaj, padtrymku makraekanamičnaj stabilnaści i praviadzieńnia istotnych reformaŭ u enierhietyčnym siektary», - adznačajecca ŭ liście.
ES ćviorda pierakanany, što dalejšaje ŭkaranieńnie Pahadnieńnia ab asacyjacyi ź ES, uklučajučy hłybokuju i ŭsioabdymnuju zony svabodnaha handlu, mohuć stać klučavym instrumientam dla refarmavańnia Ukrainy.
«Vy možacie raźličvać na dalejšaje i ŭstojlivuju padtrymku suvierenitetu, niezaležnaści i terytaryjalnaj cełasnaści Ukrainy», — havorycca ŭ liście.
