Ad kinutaha źvierchu na bałkon niedakurka ŭ Minsku zaharełasia kvatera: evakujavali 14 čałaviek
Pažar u dzieviacipaviarchoviku na vuł. Hurskaha adbyŭsia dniom 21 krasavika, paviedamlaje 112.by
«U 12.24 na numar 101 pastupiła paviedamleńnie pra dym z kvatery na šostym paviersie. Kali na miesca prybyli ratavalniki, z akna išoŭ mocny čorny dym, — raspaviali ŭ MNS. — Na momant pažaru ŭ kvatery na siomym paviersie ŭ haściach znachodzilisia 26-hadovaja žančyna z šaścihadovaj dačkoj. Rabotniki MNS vyratavali ich pry dapamozie śpiecyjalnych masak i vyvieli pa leśvicy na śviežaje pavietra. Jany nie paciarpieli. Z vyšejšych pavierchaŭ evakujavana 12 čałaviek, ź ich 5 dziaciej».
Pažar likvidavali ŭ 12.37. Jak vyśvietliłasia, zaharelisia rečy na łodžyi dvuchpakajovaj kvatery na šostym paviersie. Ahniom paškodžana majomaść, akonnaja rama łodžyi i akno, zakurana kvatera.
Pryčyna zdareńnia vyśviatlajecca, razhladanaja viersija - kinuty niedakurak z raźmieščanaha vyšej paviercha.