U Biełarusi mohuć znoŭ źjavicca «narodnyja kantralory»
Ruch narodnaha kantrolu moža być adrodžany ŭ Biełarusi. Ab hetym staršynia Kamiteta dziaržkantrolu Leanid Anfimaŭ paviedamiŭ siońnia žurnalistam, pieradaje BiełTA.
Leanid Anfimaŭ.
«Zychodziačy z vopytu raboty sa zvarotami hramadzian, na vyjaznych pryjomach u rehijonach, vielmi šmat ludziej prychodziać nie z asabistymi prośbami, a źviartajuć uvahu na niedachopy, jakija jość u ich miascovaści. Šmat nieabyjakavych ludziej. Mienavita na ich budzie asnoŭvacca kaściak ruchu pa pryciahnieńni hramadskaści da kantrolu za tym, što adbyvajecca ŭ krainie», - skazaŭ Leanid Anfimaŭ.
U saviecki čas rabota dziaržkantrolu hruntavałasia na asnovie hramadskaha ŭdziełu ŭ hetaj dziejnaści.
«Słovy «Lepšy kantralor - heta sumleńnie» byli nastolki papularnymi, što ŭsio hramadstva imknułasia dapamahčy vyjaŭlać parušeńni dyscypliny, niedachopy, - pryhadaŭ Leanid Anfimaŭ. - Navat kali my zmožam pryciahnuć chacia b 10 pracentaŭ taho patencyjału, jaki byŭ u saviecki čas, heta było b važkaj padmohaj».
