Jašče adna sacyjałohija pakazała vielizarny adryŭ Zialenskaha
U druhim tury vybaraŭ prezidenta Ukrainy amal 73% z tych, chto vyznačyŭsia i maje namier hałasavać, hatovyja padtrymać šoŭmena Uładzimira Zialenskaha, za jaho apanienta Piatra Parašenku hatovyja prahałasavać 23% vybarščykaŭ.
Pra heta śviedčać vyniki apytańnia sacyjałahičnaj hrupy «Rejtynh» z 12 da 16 krasavika, paviedamlaje Ukrainskaja praŭda.
Pry hetym, bolš za 20% apytanych adznačyli, što pojduć na vybary, adnak jašče nie vyznačylisia z kandydatam.
Pa dadzienych daśledavańnia, Zialenski apiaredžvaje svajho kankurenta va ŭsich uzrostavych katehoryjach.
«Taksama jon źjaŭlajecca lidaram siarod žycharoŭ Uschodu, Poŭdnia i Centra. Pry hetym na Zachadzie pazicyi abodvuch kandydataŭ amal roŭnyja», — paviedamili sacyjołahi.
Druhi tur projdzie 21 krasavika. Na 19 krasavika zapłanavanyja debaty.
