Adnoŭleny «kryž ksiandzu Hadleŭskamu» błasłavili ŭ centry Minska FOTA
Na zakančeńnie Kryžovaha šlachu, jaki adbyŭsia 16 krasavika kala minskaha kaścioła Najśviaciejšaj Trojcy (sv. Rocha) na Załatoj Horcy, dapamožny biskup Minska-Mahiloŭskaj archidyjacezii Juryj Kasabucki błasłaviŭ tak zvany «kryž ksiandzu Hadleŭskamu», jaki zaniaŭ pačesnaje miesca kala śviatyni, piša catholic.by
Na samym pačatku hety kryž byŭ pastaŭleny va ŭročyščy Błahoŭščyna, dzie masava rasstrelvali ludziej. Adbyvałasia heta ŭ adnym z najbolšych u śviecie łahieraŭ śmierci, jaki byŭ stvorany ŭ vakolicach Minska la vioski Mały Traścianiec. Pavodle aficyjnych dadzienych, pa kolkaści zahinułych heta čaćviorty ŭ śviecie kancentracyjny łahier Treciaha rejchu.
Mienavita ŭ hetym miescy nacysckimi akupantami byŭ zabity relihijny, hramadski i palityčny dziejač Biełarusi, stvaralnik i kiraŭnik Biełaruskaha antynacysckaha ruchu ksiondz Vincent Hadleŭski.
Kryž u pamiać probašča Čyrvonaha kaścioła byŭ ustalavany ŭ Traściancy ŭ 2008 hodzie. Hetuju akcyju inicyjavaŭ krajaznaŭca i navukoviec Anatol Bieły.
Padčas uparadkavańnia terytoryi jon byŭ źniaty i pieradadzieny dziaržaŭnymi ŭładami ŭ kaścioł Najśviaciejšaj Trojcy ŭ Minsku.
