Zdajecca, Izrail paśpiachova abyšoŭ rasijskija S-300 u Siryi
U chodzie subotniaha ŭdaru pa iranskich vajennych abjektach u Siryi VPS Izraila ŭpieršyniu zadziejničali najnoŭšuju dalnabojnuju zvyšhukavuju rakietu kłasa «pavietra — ziamla» Rampage. Pra heta paviedamlaje amierykanskaje vydańnie Defence blog.
Izrail skarystaŭsia hetaj zbrojaj z-za pahrozy z boku pieradavych zienitnych sistem S-300PM-2, jakija byli pierakinutyja Rasijaj u Siryju minułaj vosieńniu i, jak miarkujecca, užo znachodziacca ŭ razhornutym stanie ŭ rajonie Maśjaf, dzie adbyvałasia ataka.
Asablivaść rakiety zaklučajecca ŭ tym, što jana paražaje cel z chirurhičnaj dakładnaściu i abychodzić supraćpavietrany ščyt. Dakładny dyjapazon rakiety nieviadomy, adnak izrailskija raspracoŭščyki paviedamlali, što jaje dalokaść pieravyšaje 100 kiłamietraŭ.
Hetaja rakieta vahoj paŭtony pryznačana śpiecyjalna dla praryvu sučasnych srodkaŭ SPA i paražeńnia dobra abaronienych abjektaŭ, takich jak kamandnyja bunkiery, zienitnyja batarei, składy z uzbrajeńniem i bazy materyjalna-techničnaha zabieśpiačeńnia. Usie izrailskija samaloty, uklučajučy F-15, F-16 i F-35, zdolnyja zapuskać dadzienuju rakietu.
#BREAKING: On 13/04/2019, #Israel Defense Force carried-out an airstrike against missile factory & warehouses of #IRGC & Syrian #Hezbollah in #Masyaf, #Syria destroying multiple artillery rockets and ballistic missile launchers. ImageSat Intl. released its sat images now: pic.twitter.com/5gJP1C85FH
